Gipahibalo sa Israel nga tugotan niini ang usa ka limitado nga kantidad sa batakang tabang, lakip ang pagkaon, nga makasulod sa Gaza.
Kini aron masiguro nga dili mahitabo ang krisis sa kagutom sa nasangpit nga teritoryo.
Gitapos niini ang 10 ka semana nga blockade sa mga pwersa sa Israel sa pagtabang sa Gaza.
Sa usa ka pahayag gikan sa opisina ni Prime Minister Benjamin Netanyahu, ang lakang gihimo subay sa rekomendasyon gikan sa Israeli Defense Forces (IDF) ug gibase sa panginahanglan nga suportahan ang ilang bag-ong opensiba militar batok sa Hamas, nga gitawag niini nga Operation Gideon’s Chariot.
Giinsistir usab sa Israel nga molihok sila aron mapugngan ang Hamas nga makontrol ang pag-apod-apod sa tabang nga makitawhanon.
Nasayran nga ang Israel mihimo sa pag-anunsyo paglabay sa pipila ka oras human sa pag-ingon nga kini nagsugod sa gipalawig nga mga ground operations sa Gaza.
Una niini, nagpasidaan na ang bahin sa peligro sa kagutom alang sa 2.1 milyon nga populasyon sa Gaza human sa pagpagawas sa mga footage ug gitaho ang gidaghanon sa mga bata nga nag-antos sa malnutrisyon.
