Israel, nalangan ang pagpagawas sa mga Palestinian prisoners

Nalangan ang pagpagawas sa Israel sa pipila ka gatos nga Palestinian nga mga piniriso nga baylo sa pagbalik sa mga hostage sa Israel.

Sumala sa Palestinian Prisoners Society, wala pa’y kasiguruhan kung kanus-a ipadayon ang pagpagawas sa mga binilanggo nga Palestinian.

Ang kampo sa Punong Ministro sa Israel una nga miingon nga gusto nila ang mga garantiya gikan sa Hamas nga wala’y pagpakaulaw nga seremonya nga himuon alang sa pagpagawas sa ilang bihag.

Diin ang naasoy nga pagpagawas mahimong maglakip sa 620 ka Palestinian nga mga piniriso, lakip ang 23 ka mga bata ug usa ka babaye.

Kahinumduman nga gikasuko sa Israel ang gihimo sa Hamas nga seremonya ug parada sa publiko sa mga lawas sa ilang mga bihag.