Gitay-og og 6.2 magnitude nga linog ang kasadpang Japan gahapong adlawa.
Ingon man nga walay gi-isyu nga tsunami warning, sumala sa Japan Meteorological Agency (JMA).
Ang linog miigo sa sidlakang bahin sa probinsya sa Shimane sa giladmon nga gibana-bana nga 10 kilometers (6.2 milya).
Nakatala usab ang US Geological Survey (USGS) og 5.8-magnitude nga linog sa habagatan-habagatan-sidlakan sa Yasugicho, Japan.
Ingon man ang mga aftershock nga mas ubos ang magnitude sa rehiyon.
Walay gitaho nga mga kaswalti hangtod karon, ug walay nakitang mga abnormalidad sa Shimane nuclear power plant sa Matsue, matod sa operator nga Chugoku Electric Power Co.
Gipahunong sa mga awtoridad ang serbisyo sa bullet train sa kasadpang Japan tungod sa pagkawala sa kuryente, nga nagpahunong sa operasyon sa Sanyo Shinkansen Line tali sa mga estasyon sa Okayama ug Hiroshima.
Naapektuhan usab ang pagbiyahe sa dalan, diin ang mga bahin sa Yonago Expressway (Hiruzen–Yonago) ug Sanin Expressway (Yonago-Nishi–Yasugi) temporaryong gisirhan tungod sa linog.
