Nag-atubang karon ang Korean singer ug aktor nga si Cha Eun-woo og kontrobersiya tungod sa giingong paglikay sa buhis nga mokabat sa gibana-bana nga 20 bilyon nga won o P804 milyon.
Diin giimbestigahan siya sa Seoul Regional Tax Office ug nakadawat og dugang nga tax assessment gikan sa National Tax Service (NTS).
Sumala sa report, si Eun-woo giingong nagtukod og kompanya sa pamilya pinaagi sa iyang inahan aron bahinon ang iyang kita ug pakunhuran ang buhis.
Ang ahensya ni Eun-woo, ang Fantagio, nagpagawas usab og pahayag, nga nag-ingon nga magpadayon sila sa pagklaro sa isyu ug mokooperar sa imbestigasyon.
Gipasalig usab nila nga tumanon ni Eun-woo ang iyang legal nga mga obligasyon.
Tungod sa isyu, daghang mga lokal nga brand nga gi-endorso ni Eun-woo ang nakahukom nga tangtangon ang singer gikan sa ilang mga kampanya.
Si Eun-woo karon nagserbisyo sa Army Band isip kabahin sa iyang mandato.
