Nidako pa ang gasto sa kadaot nga gibilin sa bagyong Kristine sa sektor sa panguma.
Base sa pinakaulahing report nga gipagawas sa Department of Agriculture – Disaster Risk Reduction and Management Operations Center karong hapon (Nov. 2), ang kantidad sa kadaot sa nagkalain-laing industriya sama sa bugas, mais, high value crops, fisheries, poultry, makinarya, ug mga imprastraktura sa agrikultura.
Mokabat sa 131,661 ka mag-uuma ug mangingisda ang apektado, samtang anaa sa 109,871 ka ektarya nga plantasyon ug pangisda ang apektado.
Anaa usab sa 557,851 metriko tonelada sa agri products ang natumbok nga naguba.
Sa kapin sa P5.7 bilyones nga danyos, ang bugas maoy adunay labing dako nga kadaot nga moabot sa P4.25 bilyon.
Gisundan kini sa mais nga adunay danyos nga mokabat sa P72.15 milyones.
Samtang, ang nahabilin nga kantidad natala sa ubang mga industriya.
Gipaabot nga mausab pa ang maong mga datos tungod sa nagpadayong assessment ug validation sa mga lugar nga nadaot sa pag-agi sa bagyo.
