Mipahigayon ang kagamhanan sa Dakbayan sa Sugbo, og Dry-run sa mga lugar o tourist spots nga bisitahon sa mga ASEAN Delegates sa umaabot nga mga klihokan sa ASEAN Summit sunod semana.
Matud ni Cebu City Mayor Nestor Archival, nga aduna lay mga importanteng lugar ang hatagag pagtagad sa kagamhanan gumikan kay dili makaya sa siyudad kung ang kinatinuk-ang dakbayan ang atimanon.
Sigon ni Archival nga pokusan lang kagamhanan ang mga bisitahon sa mga delegado sama sa; Cebu City Hall, Magellan’s Cross, Basilica Minore Del Sto. Nino, og ang bahin sa Cebu Metropolitan Cathedral.
Bisitahon usab ang pipila ka mga Heritage sites sama sa; Parian Heritage, Port San Pedro, Museo Sugbo lakip na usab ang Casa Gorordo.
Gibutyag sa Mayor nga ang ubang bahin nga atimanunon sa ASEAN Summit, ang kaulohan na ang magmaniho niini lakip na usab ang paghatag og accomodations sa mga nagkadaiyang delegado sa maong kalihokan.
Hagit usab sa kagamhanan ang pagpahigayon og rehabilitasyon sa mga tourist spots nga adunay mga guba o angayang ayuhon gumikan kay kinahanglan pa mananghid sa National Historical Commission of the Philippines (NHCP).
