Nakadawat ang Kagamhanan sa Probinsya sa Sugbo og ₱265 milyon gikan sa nasudnong gobyerno alang sa mga proyekto nga nagtumong sa pagpalambo sa mga batakang serbisyo ug pagsuporta sa lokal nga kalamboan, labi na sa pag-atiman sa panglawas ug agrikultura.
Nadawat ni Cebu Governor Pamela Baricuatro ang Special Allotment Release Order (SARO) gikan ni Executive Secretary Ralph Recto atol sa iyang pagbisita sa Cebu niadtong Huwebes, Agosto 13.
Matod ni Baricuatro nga ang kagamhanan sa probinsya nagsumiter na sa ilang gisugyot nga mga proyekto alang sa alokasyon, nga mosakup sa daghang mga prayoridad nga lugar.”
Ang alokasyon gikan sa Local Government Support Fund (LGSF), usa ka nasudnong pondo sa gobyerno nga gidumala sa Department of Budget and Management aron pagsuporta sa mga prayoridad nga proyekto sa mga local government unit (LGU).
Nakadawat usab ang pipila ka mga local government unit og mga alokasyon sa LGSF, diin ang kadaghanan sa pondo gigahin alang sa mga infrastructure project.
Ang Cordova nakadawat og alokasyon nga ₱20 milyon aron mapaayo ang multipurpose building niini sa Barangay Poblacion, samtang ang Dakbayan sa Sugbo nakadawat usab og ₱145 milyon alang sa kaugalingon niining lokal nga mga proyekto.
Giaprobahan ang dugang pondo alang sa Bagong Pilipinas Rice Program, nga naghatag og libre o subsidized nga bugas ngadto sa mga kabus ug vulnerable households.
