PROVINCE OF CEBU-Mipahigayon og makasaysayanong joint session ang mga opisyales gikan sa duha ka Provincial Board Councils sa lalawigan sa Sugbo ug Bohol nga gipahigayon sa Cebu Capitol kagahapaong adlawa sa Lunes, Nobyembre 18, 2024.
Gipangulohan kini sa ikaduhang pinakataas nga opisyal tali sa duha ka lalawigan nga sila Cebu Provincial Vice Governor Hilario Davide III, Bohol Provincial Vice Governor Tita Baja diin gisalmotan sa ilang mga nagkadaiyang provincial Board Members.
Ang sesyon nagtumong sa pag-pormalisa sa sisterhood agreement tali sa duha ka lalawigan diin mao nalang kini ang nahabilin sa Rehiyon 7 (Central Visayas) human naaprobahan ang Negros Island Region Act nga nagtugot sa probinsya sa Negros Oriental ug Siquijor nga mausa sa usa ka rehiyon.
Ingon man para sab sa pagpalamb sa inter-provincial cooperation sa natad sa turismo, komersyo, patigayon, ug sa ekonomiya.
Mihatag usab ug mga pakigpulong atol sa kalihukan ang pinakataas nga opisyal sa duha sa lalwigan nga sila si Cebu Provincial Governor Gwendolyn Garcia ug Bohol Provincial Governor Erico Aristotle Aumentado.
