Gipasalig ni Presidential Communications Office (PCO) Secretary Dave Gomez nga ang prayoridad ni Presidente Ferdinand R. Marcos Jr. nga masiguro ang kaluwasan ug kaayohan sa mga katagilungsod sa mga lugar nga naigo sa linog.
Agi’g tubag sa direktiba sa Presidente, ang tanang hingtungdan nga frontline agencies gimandoan sa pagtrabaho nga walay hunong aron sa pagpahigayon sa rescue ug relief operations.
Dugang niini subay sa direktiba sa Presidente, ang tanang mga hingtungdan nga ahensya gimandoan sa pagtrabaho 24/7 aron diha-diha dayon maghatud og hinabang ug magpahigayon og rescue operations alang sa mga apektado.
Ingon man nga padatiyon ang mga ahensya sa gobyerno sa koordinasyon aron masiguro nga ang mga serbisyo ug tabang husto nga gihatag sa mga nanginahanglan, samtang gisusi usab ang kadako sa kadaot nga gipahinabo sa linog.
Samtang, misaka na sa 8 ang ihap sa mga nangamatay tungod sa linog sa baybayon sa Davao Oriental, kini ang gikanayon sa National Disaster Risk Reduction and Management Council (NDRRMC), Domingo, Oktubre 12, 2025.
