Gipasalig ni Speaker Martin Romualdez nga dili matarog ang Kamara sa mga pagsaway nga gibato sa mga kritiko.
Sa mensahe sa House Speaker sa mga nag-atake sa Kamara nga hunongon ang mga pagdungog ug mipasalig nga dili moatras ang Kamara sa bisan unsang away alang sa katawhan.
Gani, misaad si Romualdez nga dili mohunong ang Kamara sa pag-imbestigar sa mga isyu kalabot sa presyo sa bugas, pagkaon ug kuryente.
Sa iyang opening statement nga ang pangu sa Kamara nagkanayon nga ang maayong pagdumala kay nagkinahanglan og transparency ug accountability.
Lakip sa imbestigahon mao ang isyu sa smuggling ug hoarding nga nakahatag og kalisdanan sa mga mag-uuma ug nagkataas nga inflation.
Matod niya apil na usab niini ang P206 bilyones nga gi-disallow nga paggasto sa NGCP aron masiguro ang reporma sa kuryente ug mubu ang bayranan.
Ingon man gipasabot usab sa Kamara ang P11.8 bilyones nga kantidad sa expired nga drugas ug ang wala magamit nga pundo sa Philhealth.
Matod pa niya nga magpadayon ang imbestigasyon sa giingong sayop nga paggamit sa confidential funds.
Siguraduhon usab sa Kamara nga walay Pilipino nga mabiyaan sa mga programa sa gobyerno.
Si Speaker Romualdez niinsistir nga ang Balay mosiguro nga ang balaod nga makabayaw sa kapalaran sa matag Pilipino mapadayon.
Gipahinumdoman usab niini ang mga kaubang magbabalaod sa paghimo og balaod nga may empatiya ug molihok nga may integridad.
