Nag-umol na ang Kamara og impeachment Secretariat nga maghatag og technical ug administrative support sa 11-man House prosecution team sa impeachment trial ni Bise Presidente Sara Duterte.
Kini basi sa Memorandum Order 19-1006 nga giluwatan ni House Secretary General Reginald Velasco.
Matud ni Velasco nga ang impeachment Secretariat adunay importante nga papel sa paghatag sa gikinahanglan nga logistical, research ug documentation support ngadto sa House prosecution team.
Ug ang impeachment Secretariat gilangkuban sa mga representante gikan sa Office of the Secretary General, Office of the Sergeant at Arms, Legislative Operations Department, Legal Affairs Department ug uban pang may kalabotan nga unit sa Kamara.
Dugang ni Velasco, ang ilang tahas mao ang paghatag og plenary support, legal research, records management, stenographic transcription, information technology, security ug administrative coordination.
Ang gi-assign nga mga opisyal ug empleyado motuman sa higpit nga mga lagda ug etikal nga mga giya sa Balay.
Matud pa ni Velasco nga aron masiguro ang pagkamay-tulubagon, ang tanang personnel nga nadistino sa Senado irekord ang ilang attendance ug adunay designated nga HousePass monitoring systems.
Dugang ni Velasco nga na-deactivate ang impeachment Secretariat human gipagawas ni Senate President Chiz Escudero ang gisugyot nga kalendaryo alang sa impeachment trial ni VP Sara.
