Nakita ni Police Regional Office (PRO)-7 Director Brigadier General Valeriano De Leon nga epektibo ang kampanya nga nagdili sa paggamit og e-cigarrettes o vapes sa publikong lugar.
Kini human nga migamay na ang mga nasakmit nga vaping devices gikan sa 230 ngadto na sa 47.
Matud ni De Leon nga nakab-ot ang tinguha sa ilang kampanya gumikan sa ilang pagpasabot ngadto sa publiko.
Sa kasamtangan, wala pa silay nadakpan nga nag-vape sa publiko gumikan kay wala pay implementing rules and regulations mahitungod sa pag-ban niini.
Gitataw sa PRO-7 nga igo lang nilang ilista ang pangalan sa indibidwal nga naabtang nag-vape sa blotter dayon og confiscate ilang sa e-cigarette.
Plano karon ni De Leon nga magbutang og signages sa mga public areas subay sa ilang pahinumdom nga gidili ang pag-vape sa tanang publiko nga lugar human mimando si Duterte niadtong nakalabay nga semana.
