Gipaambit sa kanhi award-winning indie actress nga si Katherine Luna ang iyang journey sa recovery gikan sa pagkaadik sa droga. Sa usa ka serye sa mga TikTok video, gihisgutan ni Katherine ang iyang mga kasinatian ug gipahayag ang iyang pasalamat sa iyang kanhing uyab nga si Coco Martin ug sa aktres nga si Julia Montes, kinsa misuporta kaniya sa iyang pagkaayo.
Gibutyag ni Katherine niadtong Marso 2025 nga nakaagi siya og upat ka tuig nga pagkabilanggo tungod sa mga kalapasan nga may kalabotan sa droga uban sa iyang kanhing partner, diin hapit usa ka tuig sukad siya nakahukom nga mobalik sa maayong nga dalan.
Diin unang lakang nga iyang gihimo mao ang pagpalayo sa iyang kaugalingon gikan sa mga tawo nga makapabalik kaniya sa iyang daan nga mga pamaagi.
Gipaambit niini nga nakasinati siya og withdrawal symptoms apan nabuntog kini human makaamgo nga aduna pay mga tawo nga andam motabang kaniya.
Busa, dako ang iyang pasalamat kang Coco ug Julia, kinsa misuporta sa iyang pagkaayo ug mibayad sa iyang operasyon sa mata.
