Gihukman ang kanhi Presidente sa Kosovo nga si Hashim Thaci og 25 ka tuig nga pagkabilanggo sa International Criminal Court (ICC).
Atol sa pagdungog, ang 58-anyos nga opisyal gisentensiyahan tungod sa mga krimen nga nahimo atol sa gubat sa Kosovo alang sa kagawasan batok sa Serbia niadtong dekada 1990.
Diin kapin sa 10,000 ka mga tawo ang nakalas sa maong panagbangi.
Ang hukom gipagawas human sa tulo ka tuig nga mga pagdungog nga naglakip sa mga kaso sama sa pagpatay, ilegal nga pag-aresto, pag-torture, ug mapintas nga pagtratar.
Gituki usab niini ang pipila ka mga alegasyon batok kaniya nga wala pa mapamatud-i kaniadto.
Si Thaci usa sa mga nagtukod ug kumander sa Kosovo Liberation Army (KLA), ang grupo nga nakig-away alang sa kagawasan ug giisip nga mga bayani sa Kosovo.
Giakusahan siya sa pagpatay sa gibanabanang 100 ka tawo ug sa pagkawala sa uban pa.
Tulo pa ka kanhi kumander sa KLA ang nakit-ang sad-an uban kaniya.
Ang Kosovo Liberation Army (KLA) natukod niadtong dekada 1990 isip usa ka militanteng grupo sa mga etnikong Albanian—sa lugar nga giisip kaniadto nga probinsya sa Serbia—atol sa panagbangi batok sa etnikong minoriya nga mga Serb.
Nahimong unang Prime Minister sa Kosovo si Thaci sa dihang gideklarar sa nasod ang kagawasan niadtong 2008 ug sa ulahi nagserbisyo isip presidente, apan mi-resign siya sa katungdanan niadtong 2020 aron atubangon ang mga kaso didto sa The Hague.
