Gipusil-patay ang upat ka mga tawo sa usa ka Montana bar, ug nag-aghat sa lockdown sa usa ka kasilinganan pipila ka milya ang gilay-on samtang nagpadayon ang pagpangita sa suspetsado sa lasang, ang bukirang bahin sa nasangpit nga dapit.
Sumala sa napugnit nga imposmasyon sa Montana Division of Criminal Investigation, ang maong insidente nahitabo niadtong Biyernes, Agosto 1 mga alas 10:30 sa buntag sa The Owl Bar sa Anaconda, diin ang 4 nga nangamatay kumpirmadong patay sa maong lugar.
Usa ka beterano sa military ang giila nga suspek nga mao si Michael Paul Brown, 45-anyos, sumala sa mga rekord sa publiko ug tag-iya sa bar nga si David Gwerder.
Sa nahimong asoy ni Gwerder, ang bartender ug tulo ka patron gipatay, , kinsa wala didto niadtong higayona. Busa, matoohon si Gwerder nga ang upat ka mga biktima ra ang naa sa panahon sa pagpamusil, ug wala’y nahibal-an nga bisan unsang nauna nga panagbangi tali nila ni Brown.
Sa kasamtangang, kapin sa dosena nga mga opisyal gikan sa lokal ug estado nga mga pulis ang nagtapok sa naasoyng lugar, gi-lockdown ug gidili ang makasud-gawas sa maong dapit, samtang ang panimalay sa suspek nga si Brown gihawiran sa usa ka SWAT team ug siya katapusan nga nakit-an sa Stump Town area, sa kasadpan sa Anaconda.
