Mokabat sa 2,400 ka mga security personnel ang ipakatap sa Dakbayan sa Sugbo atol sa na oberbasyon sa Semana Santa karong tuiga.
Kung diin sa 2,489 ka mga personahe, adunay 1,251 ka mga personahe niini ang mga police officers, 1, 238 ka mga force multipliers, ug uban pang partner agencies nga nagtumong sa pagsiguro sa siguridad, kahapsay, ug kalinaw sa tibuok dakbayan subay sa tibuok obserbasyon sa Semana Santa 2026.
Ilabi na gayud nga tagaan karon og presensya sa mga uniform personnel ang mga nagkadaiyang dapit sa Sugbo nga dunay dakong posibilidad nga dagsaon sa mga katawhan, lakip na niini ang mag pier o pantalan, mga terminals, ug mga worship areas sa Sugbo.
Samtang, aduna say 814 ka mga personahe sa traffic office ang ipakatap sa 35 ka mga worship areas.
Sa gihapon, kini nagtumong ug paniguro usab nga adunay malinawon nga obserbasyon sa kinatibuk-ang semana sa Holy week.
Subay niini, gipahimangnoan ni Cebu City Mayor Nestor Archival ang mga byahidor nga kung mamahimo, dili magdala og daghang bagahe nga mouli sa tagsa-tagsa ka probinsya aron mas sayon ang pagbyahe.
Ingun man nga giasoy usab ni Archival nga siya mismo moduaw ug magsusi-susi sa nagkadaiyang lugar sa Dakbayan sa Sugbo nga adunay kalambigitan sa kalihokan sa Semana Santa.
Gawas niana, gitambagan usab sa Mayor ang mga byahidor nga kung mahimo i-ulhos pagdala ang mga bagahe kung molapas kini sa 3 o mas daghan pa, gumikan kay kaniadto usab adunay ubay-ubay nga mga pasahero nga gareklamo tungod kay nahanaw na ang ilahang mga bagahe nga gipangdala.
Subay niini, gisiguro usab sa Mayor nga anaa ang presensya sa mga sakop sa kapulisan ilabi na sa terminals aron na sa pagbantay sa seguridad ug sa mga pasahero.
