BATAAN-Kapin sa 1,300 ka mga tawo nga naapektuhan sa oil spill sa Bataan ang nahatagan og trabaho.
Matod ni Department of Labor and Employment (DOLE) Secretary Bienvenido Laguesma, ang ahensya migahin ug P45 milyones aron mahatagan ug alternatibong trabaho ang kinatibuk-ang 1,357 ka apektadong mga trabahante lakip na ang mga mangingisda ug mag-uuma ubos sa Tulong Pang-hanapbuhay sa Ating Disadvantaged/Displaced Workers (TUPAD) program.
Pipila sa mga trabaho nga gihatag kanila mao ang pagtabang sa paglimpyo ug pagkolekta sa mga panit ug mga buhok nga gigamit sa paghimo sa spill boom.
Gawas niini, ang DOLE mo-apud-apod usab og economic assistance ngadto sa mga apektado pinaagi sa mga regional offices niini.
Samtang, kapin sa P20 milyones usab nga pundo ang gigahin alang sa mga apektadong trabahante sa Calabarzon, partikular na sa Cavite.
