Gikataho sa opisina sa UN human rights nga mikabat na sa kapin 900 ka mga tawo ang gipangbitay sa Iran sa miaging tuig, lakip na ang 31 ka mga kababayen-an, diin ang uban kanila kay nakonbikto sa pagpatay sa ilang mga bana aron sa pagpugong sa pagpanglugos o pagpugos sa kaminyoon.
Kadaghanan sa mga executions alang sa mga paglapas nga may kalabotan sa drogas, apan ang mga kontra sa politika ug mga tawo nga konektado sa mga protesta sa 2022 tungod sa pagkamatay sa kustodiya sa kapulisan sa usa ka 22-anyos nga babaye, usa usab sa mga biktima.
Matud ni United Nations High Commissioner for Human Rights Volker Türk nga makaalarma ang pagsaka sa ihap sa mga tawo nga gipaubos sa silot nga death penalty sa Iran matag tuig.
Sa kinatibuk-an, labing menos 901 ka mga tawo ang gipatay pinaagi sa pagbitay sa miaging tuig sa Islamic Republic, kung itandi sa 853 kaniadtong 2023.
Ingon man nga mas taas gihapon kaniadtong 2015 diin nakatala og 972 apan, nakapaalarma gihapon kini kanila.
