Hingpit na nga gipasiga og gihayagan ang kinatibuk-ang bahin sa Kapitolyo, lakip na usab sa pagpasiga sa mga dagkong Christmas Trees nga gibida sa Probinsya sa Sugbo niadtong Lunes, Disyembre 1.
Gipangulohan ang maong serimonyas ni Cebu Governor Pamela Baricuatro, nga gisundan sa pagpasiga sa mga nagkadaiyang dayan-dayan sa Capitol Grounds.
Matud ni Baricuatro, nga kini ang labing unang higayon nga siya ang mangulo sa Christmass Lighting sa Kapitolyo isip Gobernadora, hinungdan na mahinungdanon kini alang ka niya.
Gipahibalo usab sa Gobernadora nga walay ingrandeng selibrasyon nga ipahigayon ang Kapitolyo gumikan sa mga nahiagumang kalamidad sa kinatibuk-ang bahin sa Sugbo.
Mapasalamaton usab si Baricuatro, sa mga Sugboanon ug mga indibidwal nga padayung misuporta niini sa pagdumala sa Probinsya sa Sugbo, hilabi na sa mga nitabang sa nakalabayng buwan human sa mga kalamidad nga nasinati.
