CEBU – Usa ka aspiring magtutudlo sa dakbayan sa Danao nga si Maria Sofia Olaguir, nigawas sa ilang balay sayo niadtong Biyernes sa buntag, Septiyembre 30, aron mag-ampo alang sa umaabot nga Licensure Examinations for Professional Teachers (LET).
Apan, si Olaguir wala na makauli nga buhi.
Kini human napalgang patay sa gamay nga kanal sa buslot nga bahin sa Mt.Manghilao.
Nadiskubre ang iyang patayng lawas mga 24 oras human gitaho sa iyang pamilya nga nawala siya.
Sa pasiunang taho gikan sa Danao City Police Station nagpakita nga ang igsuon ni Olaguir nga si Ignacio Blasco Manulat, maoy nakakita kaniya nga wala nay kinabuhi mga alas 12:50 sa udto karung adlawa Domingo.
Lakip si Manulat sa padayong nangita kang Olaguir, 47, kinsa gikatahong missing niadtong Sabado sa buntag, Oktubre 1.
Ang iyang pamilya nitug-an sa mga imbestigador nga nigawas siya sa balay mga alas 6 sa buntag niadtong Biyernes aron mopaingon sa Holy Cross sa Mt. Manghilao.
Dugang pa nila nga nagplano ang biktima nga magdagkot og kandila ug mag-ampo sa tinguha nga makapasar sa umaabot nga Licensure Examinations for Professional Teachers (LET) karong Oktubre 2.
Kaniadtong Biyernes sa gabii, wala siya makauli sa balay, nga nag-aghat sa pamilya sa pagreport sa iyang pagkawala una sa Sabado sa buntag.
Hinungdan nga ang Danao City Disaster Risk Reduction and Management Office (CDRRMO) uban sa Bureau of Fire Protection ug Special Assistance on Fire and Rescue Inc. (SAFARI) nitabang sa pagpangita kang Olaguir niadtong Sabado.
Nag-deploy sila og upat ka teams sa palibot sa Mt. Manghilao, apan Gisuspenso sa search and rescue unit sa siyudad ang ilang operasyon pasado alas 5 sa hapon. sa Sabado “alang sa mga hinungdan sa kaluwasan.”
Sa kasamtangan, matod sa kapulisan, nagpahigayon sila og dugang imbestigasyon aron mahatagan og katin-awan ang kamatayon ni Olaguir.
