CEBU – Gi-monitor sa kapulisan sa Cordova ang floating ug fixed cottages sa naasoyng Lugar, kini human nimando si Gobernador Gwendolyn Garcia subay sa iyang Executive Order No. 25 nga nagmando sa mga tag-iya sa paghunong dayon sa pag-operate sa maong mga illegal structure.
Saysay pa ni Police Major Michael Gingoyon, hepe sa Cordova Police Station, nga ang maong mando sa gobernador miepekto alas 12:01 sa udto gahapong adlawa Lunes, Agosto 29.
Kung kahinumduman nga nanawagan ang gobernadora sa mga ahensya nga nagpatuman sa balaod sama sa Philippine National Police, Maritime Group, Philippine Coast Guard ug Naval Forces Central ug ang Maritime Industry Authority nga “estriktong ipatuman” ang mga probisyon sa iyang EO inubanan sa susamang EO nga gi-isyu kaniadto ni Cordova Mayor Cesar Suan.
