Nanawagan ang lider sa North Korea nga si Kim Jong-un alang sa paspas nga pagpalapad sa mga armas nukleyar samtang gisaway ang tinuig nga mga ehersisyo militar sa South Korea ug Estados Unidos nga “labing kontra ug komprontasyon” sa Pyongyang.
Gihimo ni Kim ang mga pahayag human sa pagbisita sa bag-ong barkong iggugubat sa nasud, ang Choe Hyon, sa unang adlaw sa Ulchi Freedom Shield – usa ka hiniusang military exercise sa US-South Korea nga molungtad hangtod Agosto 25.
Gidugang ni Kim nga ang mga military exercise usa ka tin-aw nga timailhan sa pagka-agresibo sa US ug South Korea batok sa North Korea, ug miinsistir nga ang iyang nasud kinahanglan nga motubag sa paspas ug gipalapdan nga nuclear program.
Ingon man nga nitubag si South Korean Unification Ministry, nga nag-ingon nga ang mga pagbansay-bansay sa militar pulos depensiba ug walay intensyon sa pagsugod sa tensyon sa rehiyon.
Giingon sa mga eksperto nga ang pagbisita ni Kim sa barkong iggugubat gituyo aron ipakita ang determinasyon sa Pyongyang nga palapdan ang nukleyar nga arsenal niini, subay sa umaabot nga panagtagbo tali sa Presidente sa South Korea nga si Lee Jae-Myung ug Presidente sa US nga si Donald Trump sa Agosto 25.
