Gilaoman nga motambong sa military parade sa Beijing, China si North Korea, Kim Jong-un, kauban ang Presidente sa China nga si Xi Jinping ug Presidente sa Russia nga si Vladimir Putin karong umaabot Setyembre 3, 2025.
Ang maong parada mao ang kinaunhang multilateral diplomatic event ni Kim sukad siya nilingkod sa katungdanan niadtong tuig 2011, diin sa iyahang pagtambong, nagpakita kini nga timaan sa panaghiusa sa North Korea, China, ug Russia taliwala sa tensyon sa Estados Unidos ug South Korea.
Bisan pa sa mga panawagan alang sa pag-abli pag-usab sa mga diplomatikong pakigpulong gikan sa Presidente sa South Korea nga si Lee Jae-Myung ug Presidente sa US nga si Donald Trump, si Kim daw gipalabi ang usa ka alyansa sa Beijing ug Moscow.
Samtang ang Pyongyang kaniadto nagpadala og mga tropa ug mga hinagiban aron pagtabang sa kampanya sa Russia sa Ukraine. Giingon usab nga ang biyahe ni Kim gitumong aron mahupay ang tensyon sa China, samtang nagpadayon ang suporta niini alang sa Russia.
Sumala sa mga taho, si Kim molingkod sa wala ni Xi, samtang si Putin naa sa iyang tuo. Adunay gisulti nga iyang gamiton ang iyang forest green nga tren alang sa biyahe.
