-- ADVERTISEMENT --
CEBU CITY-Nisaka sa kapin 8 poriyento ang koleksyon sa Cebu City – Department Veterinary Medicine and Fisheries (DVMF) sa buwan sa Hulyo sa kasamtangang tuig itandi sa susamang buwan sa tuig 2023.
Sumala pa sa accomplishment report sa maong buhatan, nakakolekta kini sa kapin P2.283-milyones sa buwna sa Hulyo 2024.
Labaw kini sa kapin P166,000 itandi sa kita sa Hulyo 2023 nga P2.117 milyones.
Ang maong kita naggikan sa kolekta sa buhatan sa mga regulatory fees, bayad sa mga pribadong ihawan, registration Licensing fees, ug penalties sa pagpatuman sa City Ordinance 2189 (Revised Meat for Public Consumption Regulatory Ordinance) ug sa bayad sa rehistro ug sa paglukat sa na-impound nga mga kahayopan.
