Komander sa Hezbollah, lakip sa mga napatay sa gilunsad nga strike sa Israel sa Syria

Labing menos 9 ka mga tawo lakip ang Hezbollah commander ang namatay sa strike nga gilusad sa Israel sa Damascus, Syria.

Diin lakip sa 9 ka kaswalti mao ang 4 ka sibilyan, usa ka babaye ug 3 ka bata nga pulos Syrian national ug laing 5 pa.

Sumala sa Syrian Observatory for Human Rights, naigo sa Israel ang usa ka apartment nga iya sa Hezbollah nga anaa dapit sa Sayyida Zeinab sa habagatan sa Damascus.

Taliwala kini sa gipakusog nga mga strike sa Israel sa Syria sukad nga miulbo ang all-out war uban sa Hezbollah sa Lebanon niadtong Septiyembre 23.