Nibisita ang TV-host actress nga si Kris Aquino sa Palasyo sa Malacañang.
Giandam ni First Lady Liza Araneta-Marcos ang usa ka post-birthday celebration alang sa aktres niadtong Pebrero.
Gisaulog sa aktres ang iyang ika-55 nga adlawng natawhan niadtong Pebrero 14 samtang nagpadayon siya sa pagpakigbatok sa daghang mga autoimmune disease.
Ang panagtapok sa Palasyo giorganisar sa fashion designer nga si Michale Leyva, kinsa higala ni Kris ug sa Unang Ginang.
Nagkita usab ang duha niadtong Oktubre sa miaging tuig para sa adlawng natawhan ni Leyva.
Nihapit si Presidente Ferdinand Marcos aron mokaon ug magpakuha og litrato uban sa duha sa wala pa mobiya.
Katapusang nibisita si Kris sa Palasyo sa Presidente niadtong 2016 atol sa pagmando sa iyang igsoon, ang kanhi Presidente Noynoy Aquino.
Magkadugo sila si Kris ug Liza tungod kay ang iyaan sa Unang Ginang nga si Demetria Sumulong naminyo sa apohan ni Kris nga si Don Jose “Pepe” Cojuangco.
Si Sumulong bayaw sa igsuon sa Unang Ginang, si Manuel Araneta, kansang iyaan nga si Rosario Cacho, naminyo usab sa uyoan ni Kris nga si Pedro Cojuangco.
