Gipahibalo sa magtiayon nga sila Kim ug Felicia Atienza ang wala damhang pagkamatay sa ilang anak nga si Emmanuelle “Emman” Atienza.
Sa ilang opisyal nga pahayag, nagpasabot sila nga, “Uban sa dakong kasubo, among gipaambit ang wala damha nga pagpanaw sa among anak ug igsoon nga si Emman.”
Gihangyo usab sa pamilya Atienza ang publiko nga ipadayon ang mga hiyas nga gipuy-an sa ilang anak, lakip ang kaluoy, kaisog, ug ang pagpakita og dugang kabuutan sa adlaw-adlaw nga kinabuhi.
Si Emman, nga 19-anyos, usa ka talent sa usa ka network ug nailhan usab isip usa ka TikTok personality.
Kanunay siyang nag-trending sa social media tungod sa iyang makalingaw ug matinud-anong mga post.
Niadtong miaging bulan, nakakuha siya og kasikat sa social media human niyang ipahayag ang depensa sa pinansyal nga kahimtang sa ilang pamilya taliwala sa mga isyu sa flood control projects ug sa diskusyon sa “nepo babies.”
Giingon ni Emman nga ang iyang inahan nga si Felicia ang breadwinner sa ilang pamilya.
