CEBU CITY — Gihagit ni Cebu City Mayor Labella ang kapitan ug opisyales matag barangay sa syudad nga mapakunhod hangtud sa “zero” active cases sa COVID-19 ang ilang tagsa-tagsa ka barangay.
Kini ang gibutyag ni Mayor Labella kagahapon atul sa Turnover sa bag-ong Off-site dormitory nga nahimutang kilid sa Cebu City Quarantine Center (CCQC).
Kung diin manghatag og P100,000 ang syudad isip financial assistance sa mga barangay nga makakab-ut niining hagit ni Labella.
Matud pa ni Labella kabahin kini sa plano sa City Government arun nga matuman usab ang hagit ni Environment Secretary Roy Cimatu nga mahimong COVID-free ang dakbayan sa Sugbo.
Nanghinaut ang mayor nga makuha kining hagit sanglit nagpabiling ubos ang trend sa COVID-19 cases sa dakbayan.
Dugang pa niini nga madawat sa mga barangay ang cash reward kung COVID-free kini gikan sa Nobyembre 1 hangtud na sa December 31, 2020. (ekp/gn)
