Mikabat na sa labing menos 21 ang patay sulod sa 24 ka oras sa tibuok Pakistan tungod sa kalit nga pagbaha ug pagdahili sa yuta.
Diin adunay tulo ka mga tawo ang namatay sa amihanang rehiyon sa Gilgit-Baltistan samtang adunay usa nga daling gidala sa Regional Headquarters Hospital (RHQ) sa Chilas ug padayon nga nagpaalim sa tambalanan.
Ingon man nga naluwas na usab ang na-stranded nga kapin sa 200 ka mga turista.
Personal nga nibisita sa lugar ang Deputy Commissioner ug Superintendent of Police sa Diamer ug naabot sa sentro sa apektadong lugar, apan wala na makaabot sa ubang lugar tungod sa kakuyaw sa dagkong mga bato.
Samtang, ang Babusar Road nagpabilin nga sirado, ug ang mga bahin sa Karakoram Highway (KKH) gisirhan usab sa Lal Parhi ug Tatha Pani, diin 10-15 ka mga sakyanan ang natanggong sa pagdahili sa yuta ug mga suba.
