Labing menos duha patay samtang labing menos 140 ang naangol human nadiskaril ang tren sa Volgograd, Russia

VOLGOGRAD, RUSSIA-Mokabat sa labing menos 140 ka mga tawo ang gikahadlokang naangol human ang usa ka pasaheroang tren kay nadiskaril sa rehiyon sa Volgograd sa Russia gahapong adlawa.

Sumala sa mga taho, ang tren kay nabangga sa usa ka trak nga nagmaneho sa usa ka crossing sa riles.

Nasayran nga gikan sa Kazan sa Tatarstan ang tren ug paingon sa Adler sa Black Sea sa dihang ang aksidente nahitabo duol sa estasyon sa Kotelnikovo sa habagatan sa Moscow.

Ingon man nga nagdugang pa og 342 ka mga paramedics ang emergency ministry atun sa pagtabang sa maong panghitabo.

Basi usab sa inisyal nga imbistigasyon nga labing menos duha ka mga tawo ang namatay sa bangga, apan gilauman pa nga ang ihap sa mga nangamatay kay mahimong modaghan.