Mikugang sa sayong kabuntagon ang laing engkwentro sa militar ug gituohang NPA sa mga lumulupyo sa Barangay Humay-humay sa dakbayan sa Guihulngan sa lalawigan sa Negros Oriental, adlawa sa Huwebes, Mayo 1, 2025.
Kun diin gituohang mga miyembre sa New People’s Army Central Negros 1 Group (NPA-CN1) ang mga kaatbang sa mga sakop sa Philippine Army 302nd Infantry Achiever Brigade nga nakabase sa Camp Leon Kilat sa Tanjay City.
Nasayran nga nadungog ang mga sipa nga mga buto-buto sa armas de fuego sa duha ka mga grupo sa nasangpit nga mga lugar.
Gibana-banang milanat sa 3 ka minutos anbg pagbinayloay sa bala sa tropa sa armadong kusog batok sa NPA-CN1.
Gani sa pikas bahin, narekober sa 62nd Infantry Battalion ang mga tag-as nga kalibre sa armas ug uban pang mga personal nga gamit nga gikan sa gitoohang sakop sa NPA.
Sa ulahing datos nga nakuha, giingong nagpadayon pa niadtong ala 1 sa hapon ang panag-engkwento nga milabay sa Sitio Sumilang, Barangay Tacpao sa samang lungsod.
Gikatahong aduna naangol nga sundalo sa maong engkwentro kinsa nakahiagom og samad tungod sa shrapnels sa M203 grenade.
Matod pa nga nagkatagbo ang duha ka grupo samtang nagpahigayon og security patrol ang mga sakop sa kasundalohan sa kalasangan sa Barangay Humay-humay.
Ang mga nadiskaril nga sakop sa gituohang NPA kay daling nakaikyas sa maong panghitabo.
