CEBU CITY-Pasakahan ug kaso sa Mabolo police station ang lalake nga nag wild sa usa ka haya sulod sa Chapel sa Sitio San Roque Bo. Luz sa dakbayan sa Sugbo sa alas 9:00 sa Lunes sa gabii,Hulyo 17, 2023.
Giila ang lalaki nga si Bryan Tarucan, 39-anyos nag puyo sa maong lugar apan lumad nga taga Borbon gitabangan sab og kulata sa mga nag bilar sa dihang iyang gisukmag ang lungon sa patay sa sulod sa Chapel nga mi resulta sa pagka boak sa samin sa lungon.
Matod ni Police Major Ireño Regidor ang hepe sa Mabolo police station nga kasong Malicious Mischief ang ipasaka nila nga kaso sa suspetsado.
Mibutyag ang igsuon sa suspek nga si Rex Tarucan nga nangayo nag pasaylo ang iyang manghod sa gihimo niini sa patay nga gihaya sa Chapel sa Cabantan.
Miangkon ang suspect nga nakainom siya atong mga tungura ug nakagamit og ilegal nga drogas.
Sigon pa sa igsuon niini nga kung maka gawas na ang iyang manghod ila kining dalhon sa Borbon aron didto na mopuyo ug manguma nalang aron dili na makahimog salaod.
