Matod pa nila, kon gusto gyud nimo makab-ot ang usa ka butang, kaya nimo ang tanan.
Kini ang gipamatud-an sa usa ka lalaki sa India nga tungod sa iyang kadesperado nga matuman ang iyang damgo nga mahimong doktor, gipaputol niini ang iyang bitiis.
Giila kini nga si Suraj Bhaskar, 20-anyos, taga Uttar Pradesh, India.
Sumala sa impormasyon, kaduha napakyas si Suraj sa entrance exam sa medical school.
Tungod niini, nahunahunaan niya nga lapason ang balaod nga naghatag og slots alang sa mga PWD apan kinahanglan gihapon nga makapasar sa minimum requirements.
Gikataho nga nagmugna-mugna og istorya ang pamilya ni Suraj nga siya gidunggab apan nagduda ang pulis kay limpyo ang samad sa iyang bitiis.
Sa usa ka hingpit nga imbestigasyon, nakombinsir ang pulis nga tinuyo nga giputol ni Suraj ang iyang bitiis. Imbes nga hatagan og disability certificate aron makasulod sa med school, atubangon niya ang mga kaso ug moresulta sa pagkaguba sa iyang damgo nga mahimong doktor.
