CEBU CITY- Misaka ang usa ka lalaki sa atop sa usa ka building atubangan sa usa ka dakong mall sa Colon Street, Cebu City, gabie, September 4, 2025.
Sa dihang nahinabi sa Bombo Newsteam, gipaambit niini nga gusto unta niya nga molayat tungod sa grabeng kaguol, personal nga problema, ug kakulang sa tulog.
Gidugang pa niini, nga naglisod siya og atubang sa personal nga mga suliran, ug nagpadayon usab siya sa paggamit og illegal nga drugas nga nakaapekto sa iyang kahimtang sa pangisip.
Matud pa niya, bug-at na ang iyang gibati, ug nahunahunaan na niya ang pagkutlo sa iyahang kinabuhi, isip solusyon sa iyang mga problema.
Human sa pipila ka oras naayo ra ang tensiyon, inabagan sa mga responding personnel sa kapulisan ug emergency units, nga nakigsabot sa maong lalaki.
Wala nay lain pang detalye nga gipagawas kabahin sa iyang pagkatawo samtang gipangayo usab sa otoridad ang kooperasyon sa iyang pamilya aron siya matabangan nga makarekober sa iyang kahimtang.
