CEBU CITY- Napalgang patay ang usa ka wala pa mailhing lalaki sa Barangay Sudlon 1, dakbayan sa Sugbo alas 5 sa buntag Huwebes, Marso 6, 2025.
Ang biktima adunay samad pinusilan sa ulo og milapos sa iyahang nawong nga gituohang maoy hinungdan sa iyahang hinanaling kamatayon.
Sa nakuha nga impormasyon sa Bombo news team, pinaagi sa usa ka babaye nga ang ngalan gipugngan nabantayan niya ang maong usa ka lalaki nga gipick-up sa wala mailhing mga lalaki sa Brgy. Lagtang Talisay City kaganihang kadlawon.
Apan padayon pa gihapon ang sakop sa kapulisan sa pag kompirma sa maong panghitabo.
Sa pikas bahin gikabutyag ni Joseph ang hepe sa tanud sa Bgry Sudlun 1 nga mga alas 5:30 sa kadlawon ning adlawa adunay mitaho sa maong Brgy. hall nga nakadungog ug buto sa armas sa duha ka mga higayon.
Dugang niini, nga sa dihang nakita na nila ang maong lalaki wala nay kinabuhi ug presko pa ang dugo nga timalihang bag-o pa nahitabo ang Krimen.
Narekober sa crime scene ang kwarta, pitaka og sudlay nga possibling dala sa biktima.
Sa pagsulat niining balitaa, ang mga otoridad nagpadayon pa sa pag-ila sa lalaki, ug walay mga residente sa lugar nga nakaila kaniya.
Ang lalaki nagsul-ob og yellow green nga t-shirt , patig nga short og adunay pangedaron sa 50 anyos pataas.(With Reports of Bombo Rocky Lavarez)
