Duha ka higayon nga rescue ang usa ka lalaki nga misaka sa Mt. Fuji sa Japan human niini gibalikan ang iyang nabilin nga cellphone.
Ang 27-anyos nga estudyante gikan sa China kinsang temporaryong nagpuyo sa Japan.
Samtang anaa na siya sa trail, dili na kini makapanaog tungod nawala niini ang iyang ‘crampons’ nga mao ang spiked device nga gibutang sa ‘climbing shoes’ aron mas maayo ang ilang paglakaw.
Gitawgan pa kini sa helicopter aron nga makabiya lang siya sa maong taas nga area.
Apan pagkasunod nga adlaw, nakahinumdom siya nga nahibilin ang iyang cellphone hinungdan nibalik ang lalaki bisan nga wala na gitugotan ang pag-hike sa maong area.
Dihang naabot kini balik sa ibabaw, naglain ang iyang paminaw ug tungod niini, duha ka higayun gayud siya nga gi-rescue sa otoridad sa sulod lamang sa upat ka adlaw.
Gisaway ang maong lalaki tungod sa wala pagsunod sa protocol, ug nanawagan usab ang mga tawo kaniya nga mobayad tungod sa duha ka rescue missions nga gihimo tungod lang sa iyang pagpasaway.
