Cebu City-Nag-atubang karon og kasong may kalambigitan sa iligal nga drogas ang usa ka lalaki nga midu-aw sa iyang higala nga napriso sa Carmen Police Station human nagdala og hamburger nga dunay palamang shabu.
Sama sa iyang higala napriso usab si Jeramie Dayon,30 anyos ug residente sa Brgy. Ipil sa lungsod sa Carmen, Cebu.
Matud ni SPO1 Roy Cabahug, ang desk officer sa Carmen Police Station nga gidu-aw ni Dayon ang iyang higala nga si Jelner Into sa prisohan ug nagdala kini og hamburger.
Sa dihang gi-inspeksyon na sa pulis ang naasoy nga pagkaon, nakita ang 3 ka gagmayng pakete sa shabu nga gisuksuk sa patty nga daw sama sa palaman.
Dali nga gisikop ang naasoy nga jail visitor samtang padayon nga giimbestigaran ang naasoy nga insidente.
Nasayran nga ang gibisita sa naasoy nga jail visitor napriso tungod sa iligal nga drogas.
