Kulata ang gidangatan sa usa ka lalaki nga giingong nangawat og cellphone samtang nagpakaaron-ingnon nga nakilamay sa namatyan sa dakbayan sa Sugbo.
Matud pa nga unang nikaon ug nangape ang suspel sa pamilya sa namatyan nga nagpakaaron-ingnong naluoy sa namatay.
Giingong nakahigayon pa ang suspek nga makig-estorya sa ubang mga tawo.
Hangtod nga gikuha sa lalaki ang cellphone nga gi-charge ug nilakaw. Apan, adunay nakakita kaniya maong gigukod siya sa ubang mga tawo ug gikulata.
Matod sa security guard sa punerarya nga una nang gi-post sa ilang establisemento ang hulagway sa lalaki tungod kay susamang modus ang iyang gihimo kaniadto.
Ingon man nga niadto ang mga kapulisan sa punerarya, apan ang pamilya nakahukom nga dili na mopasaka og kaso batok sa suspek.
