Lalaki nga walay trabaho, adunay upat ka asawa ug duha ka girlfriend, gusto mailhan isip ‘god of marriage’

Gitinguha sa usa ka Japanese nga ilhon isip “god of marriage” human kini adunay upat ka asawa ug duha ka uyab bisan paman nga wala siyay trabaho.

Lahi ang trip ni Ryuta Watanabe, 36-anyos og residente sa Northern Prefecture sa Hokkaido, Japan tungod kay dili lang usa apan, labaw pa sa lima ang iyang babaye sa kinabuhi.

Matud niini nga tungod sa depresyon nga iyang naagian sa dihang gibiyaan kini sa iyang hinigugma, mao kini ang nitukmod kaniya nga makig-ila-ila og laing babaye pinaagi sa ‘dating applications’.

Ug gani sa edad nga 36-anyos, aduna na kini 10 ka anak.

Ang mga babaye nga gikauban ni Ryuta kay makonsiderar nga ‘common-law in nature’ tungod iligal sa Japan ang polygamy.