Lalaki, patay human nalumos sa dagat sa lungsod sa Liloan sa amihanang Sugbo

LILOAN, CEBU-Patay ang usa ka lalaki human kini nalumos sa pagkaligo niini og dagat sa Barangay Calero, lungsod sa Liloan, sa amihanang bahin sa probinsya sa Sugbo kagahapong adlawa sa Dominggo Septiyembre 29, 2024.

Giila ang biktima nga si John Paul Setenta, 26-anyos ug lumulopyo sa maong dapit.

Atol sa inisyal nga imbestigasyon sa kapulisan sa lungsod sa Liloan diin ang biktima misulod kini sa fish sanctuary ug gibadlong pa kini.

Gipagawas sa mga sakop sa bantay-dagat apan mibalik kini ug didto na nakabsan sa kinabuhi tungod sa pagkalumos.

Nahitabo ang maong insidente pasado alas 2 sa kahaponon diin gisuwayan pa kini ug pagrescue apan tungod sa kalubog sa tubig wala kini dayon makuha sa mga tigluwas.