CEBU – Gisubli ni Lapu-Lapu City Mayor Junard “Ahong” Chan ang iyang standing order ngadto sa Philippine National Police (PNP) nga hingusgan ang pagpatuman niini sa kalinaw ug kahapsay sa dakbayan ug police visibility sa mga estratehikong lugar.
Nihimo sa maong pamahayag ang Mayor usa ka semana human ang usa ka jewelry store sulod sa usa ka mall sa Barangay Basak nabiktima sa mga sakop sa “Salisi Gang” nga nikuha og mga P800,000 nga kantidad sa mga alahas.
Hinungdan nga hugtan pa sa kapolisan ang visibility ilabi na nga panahon na sa Pasko.
Dugang pa, nga aron malikayan ang bisan unsang matang sa kriminalidad, nga padayunon usab ang pagbutang og mga suga sa kadalanan, ilabi na sa mga interior nga barangay nga adunay ngitngit nga mga eskinita.
Giawhag niini ang mga pribadong establisemento nga magbutang usab og CCTV camera sa ilang palibot.
