CEBU CITY-Dili na matud pa kinahanglan ang ‘letter of acceptance’ kansang usa sa mga rekisitos sa mga Locally Stranded Individual (LSI’s) para makakuha og travel authority sa barangay kung diin kini natanggong.
Kini ang pinasikad sa kamanduan gikan sa Department of Interior and Local Government (DILG), Cebu City pinaagi sa pangu nga si Atty. Ian Kenneth Lucero. Human usab nakadawat ang ilang buhatan og mga reklamo nga dili murelease ang barangay og travel authority kung walay letter of acceptance gikan sa receiving LGU sa LSI. Hinungdan nga miluwat og kamanduan ang DILG- Cebu nga dili na kini kinahanglanon pa ug kinahanglan nga murelease gyud ang barangay og travel authority ngadto sa LSI.
Nasayran nga tanang proseso nga himoon sa mga LSI aron makabiyahe na pauli sa ila ang i-agi na tanan sa barangay kung asa kini sila kasamtang natanggong. Dili na kini kinahanglan pa nga mu-adto sa Police station sa ilang dapit aron makakuha og travel authority.
Ang mga dokumento nga kinahangkang i-secure sa LSI mao ang:
1)Registration Form nga i-fill out sa barangay.
2) Health certificate nga nagpamatuod nga mipaubos ang LSI sa 14 diyas nga quarantine ug dili kini contact, probable o confirmed covid-19 case.
3)Medical certificate gikan sa City Health Department ug
4) Travel authority gikan sa PNP.
Apan giklaro usab ni Konsehal Joel Garganera ang deputy chief sa Inter Agency Task Force- Emergency Operation Center (IATF-EOC) nga kinahanglan sa gihapon nga makigcoordinate gyud ang ang LSI sa ilang Local Government Unit (LGU) nga uli-an para maandam ang ilang pagbalik ilabina ang muuli dinhi sa Cebu City nga lisod pa ang transportasyon. Hayan kinahanglan sa gihapon ang letter of acceptance o coordination apan ang LSI na ang mu-asikaso niini.
Ang mga boot muuli usab dinhi sa Cebu City, ipahimutang kini sila sa Sugbo Malacañang ug ang ilang receiving LGU’s na ang maoy mukuha kanila ug muhatod sa ilang pinuy-anan. Apan e-evaluate usab sa receiving LGU kung kining LSI ang ibutang sa quarantine facility para sa 14 days quarantine o ipaubos nalang sa home quarantine. Ang pagpaubos sa home quarantine, tugutan kung ang panimalay sa LSI nakapasar sa mga guidelines sa IATF nga duna kini kaugalingong kwarto ug pansayan (comfort room) ug walay sakop sa pamilya nga dunay sakit, senior citizen, bata ug mabdos.
