Ma-access na pinaagi sa social media platform nga Facebook ang usa ka Free Legal Advice and Consultation services para sa mga komunidad nga apektado sa Human Immunodeficiency Virus (HIV).
Ang maong serbisyo kay gidalit sa non-profit organization nga Initiatives for Dialogue and Empowerment through Alternative Legal Services (IDEALS) Inc. diin nagpasiugda kini sa “Tisya Hustiya” aron tabangan ang mikinsa man nakasinati og hagit sa stigma, diskriminasyon, og kakuwang sa kahibalo mahitungod sa hagit nga ilang giatubang.
Nakabase sa maong social media platform ang maong serbisyo diin real-time kining adunay lawyer assistance ilabi na sa mga indibiwal nga adunay HIV o di ba kaha uban pang mga nahiagumang human rights violations.
Suportado sa Department og Health ang maong programa isip kabahin sa extension niini sa Community Access and Rights Empowerment (CARE) Program nga nagtinguha sa pagsuporta sa mga pundok sa pagkab-ot og hustisya.
Pipila sa mga target key populations niini kay mao ang kay ang mga “men who engage sex with men”, trans and gender diverse people, sex workers, mga indibidwal nga nag-inject og droga, people living with HIV (PLHIV), mga piniriso ug ubang mga closed settings.
Pinaagi niining serbisyo legal direkta sa mga komunidad, ang programa kay muabag tali sa mga nagkinahanglan ug mga legal aid providers.
Kini nga inisyatiba nagsuporta sa mga paningkamot sa nasudnong gobyerno sa pagtubag sa nagkataas nga epidemya sa HIV diin niadtong Hunyo lang kay adunay direktiba ang DOH sa ilang mga intensifired programs sa pagpakunhod sa ihap sa aktibong kaso sa HIV.
