CEBU CITY-Gikompirmar ni Police Major Danilo Colipano, ang hepe sa Liloan PNP nga nagpuyo sa iyang area of responsibility ang leader sa mga tulisan nga maoy nanulis sa jewelry stores ug money changer outlet sulod sa JCenter Mall sa Mandaue City.
Kini subay na usab sa reklamo ni Rodulfo Ugang kinsang anak sa higala ni Cebu City Mayor Edgardo Labella human nga matud pa gipugos ug abli ang iyang sakayanan sa iyang apartment mga tapad sa unit nga gipuy-an sa tulisan.
Gi-angkon hinoon ni Colipano sa dihang nahinabi sa Bombo Radyo Cebu nga nagpahigayon sila og surveillance human masuta nga ang nangawat sa naasoy nga mall mao usab ang grupo nga nangawat sa usa ka pawnshop sa ilang lungsod sa dihang bago pa milingkod si Colipano.
Gi-identify sa hepe nga si DC Glenn Tairus kinsang maoy leader sa grupo ug napatay sa kapulisan sa dihang na-intercept sa Pulang Bato Wharf mao ang nagpuyo sa maong apartment.
Gani duha matud pa ka apartment sa Brgy. Tayud sa lungsod sa Liloan, probinsya sa Sugbo ang gipuy-an sa mga naasoy nag grupo.
Mipasalig usab ang hepe nga mutabang sila sa kapulisan para nga masulbad ang kaso sa pagpanulis.Mi-awhag usab kini sa publiko nga magtinabangay para sa kasulbaran sa krimen.
Samtang, sa bahin usab sa reklamo ni Ugang , subayon usa matud pa ni Colipano ang naasoy nga panghitabo.
