Nakuha sa mga doctor sa Chengdu, China ang giingong usa ka lighter nga natulon sa 68-anyos nga lalaki, kapin sa tulo ka dekada na ang milabay nga natanggong sa iyang tiyan.
Gihinganlan ang lalaki nga si Deng, nangayo lang og medikal nga atensyon human makasinati og grabe nga sakit sa tiyan. Ingon man nga daling gipaubos kini sa emergency gastroscopy, diin nakita ang usa ka sinaw nga itom nga butang nga nagpuyo sa iyang tiyan sulod sa mga dekada.
Gikatahong naglisod ang mga doktor sa pagtangtang sa lighter gamit ang standard endoscope tungod sa gidak-on ug resistensya niini sa acid.
Apan pinaagi sa maampingon nilang giputos ang lighter ug hinayhinay nga gikuha, usa ka proseso nga nanginahanglan og mga advanced nga teknik tungod kay ang conventional endoscopy adunay ubos nga success rate sa susamang mga kaso.
Matud ni Deng nga iyang gitulon ang lighter sa edad nga 30 atol sa usa ka hagit uban sa mga higala. Wala gyud siyay gisultihan gawas sa iyang grupo ug nagtuo nga kini natural nga nawala.
Namatikdan sa mga eksperto sa medisina nga ang kaso talagsa ra kaayo, nga nagpasiugda sa kalig-on sa lawas sa tawo ug sa dili kasagaran nga mga kahimtang nga nagtugot sa langyaw nga butang nga magpabilin nga wala madaot sulod sa dekada.
