PROVINCE OF CEBU-Adunay bag-ong station commander ang lima ka mga police station sa Probinsiya sa Sugbo.
Kung diin si Lieutenant Colonel William Homoc nihulip kang Lieutenant Colonel Junnel Caadlawon isip hepe sa City of Naga Police Station, ug si Major Gilfred Baroman nihulip kang Major Vincent Zozobrado isip chief sa Pinamungajan Police Station, ug si Major Clemente Ceralde Jr. nihulip kang Lieutenant Colonel Danilo Densing isip hepe sa Dalaguete Police Station, ug si Major Fort Anthony Valdez nipuli kang Major Rodgene Fudotan isip chief sa Sibonga Police Station, samtang si Major Antonio Ananayo Jr. nihulip kang Lieutenant Colonel Danilo Colipano isip chief sa Consolacion Police Station.
Matod ni Colonel Rommel Ochave, director sa Cebu Provincial Police Office (CPPO), ang pag-relieve nila ni Zozobrado, Fudotan, Densing ug Colipano kay tungod sa transfer.
Apan sa kaso sa City of Naga, personal nga gihangyo sa mayor nga ilisan ni Homoc si Caadlawon, matod ni Ochave.
Matod sa opisyal sa kapulisan nga adunay posibilidad nga aduna pay mga reshuffle sa umaabot nga mga semana.
Dugang pa, nga nagpaabot sila sa resulta sa evaluation sa mga nahimo sa station commanders.
Ang turnover ug assumption ceremony nahitabo sa CPPO headquarters sa Barangay Sudlon, dakbayan sa Sugbo niadtong Martes, Abril 4.
Kung diin ang kalihokan gipangulohan ni Lieutenant Colonel Tomas Santander, CPPO deputy director for administration, ug Lieutenant Colonel Mark Gifter Sucalit, CPPO deputy director for operations.
