PROVINCE OF CEBU-Labing minos 13 ka hotel ug accommodation services, 18 ka Department of Tourism-accredited nga tour guides, gibanabana nga 50 ka local tour guides, ug gibanabana nga 500 ka mga lokal nga negosyo gikan sa pito ka local government units (LGUs) nga kabahin sa tour, nakabenepisyo gikan sa ang tulo ka adlaw nga Suroy Suroy Sugbo Midwest tour.
Gibutyag ni Provincial Tourism Officer Maria Lester Ybañez nga ang mga LGU wala makadawat og bahin sa kapin sa P1.6 milyones nga kita gikan sa nagbayad nga mga bisita sa tour, ang matag LGU nakadawat og P400,000 nga subsidy alang sa tulo ka adlaw nga kalihokan.
Gawas sa P400,000, si Gobernador Gwendolyn Garcia mipahibalo nga ang matag usa sa pito ka Midwest LGUs makadawat og P1 milyon human sa malampusong pagpahigayon sa Suroy Suroy.
Matag usa sa mga bisita mibayad og P9,000 hangtod P11,000, depende sa ilang gipili nga akomodasyon, aron makaapil sa Cebu midwest tour.
Ang Midwest tour, naglakip sa mga lungsod sa Tabuelan, Tuburan, Asturias, Aloguinsan, Pinamungajan, Balamban ug Toledo City.
Mapasalamaton usab si Aloguinsan Mayor Cesare Ignatius Moreno gumikan kay nalakip ang ilahang lungsod sa maong programa sa Kapitolyo.
