CEBU CITY — Patay ang 80-anyos nga lolo human nga giingong nalumos atol sa ilang family outing sa usa ka beach resort sa lungsod sa Badian, Cebu.
Giila ang biktima nga si Leopoldo Galeos ug miuban kini kauban ang iyang pamilya aron handumon ang death anniversary sa ilang kabanay sa beach resort.
Base sa imbestigasyon sa Badian Police Station nga mihaw-as ang mga kauban sa 80-anyos nga lolo aron maniudto samtang nagpabilin ang biktima sa dagat aron maglangoy og tiwas.
Matud sa desk officer nga si Police Staff Sergeant Clarito Coronel nga unang gibantayan sa asawa si Leopoldo nag-swimming sa kadagatan.
Apan pagkalabay sa pipila ka mga minuto, nakit-an na lang sa asawa niini nga nag-utaw-lutaw na lang sa kadagatan ang biktima.
Gidala ang 80 anyos sa tambalanan apan nakabsan kini sa kinabuhi.
Dugang pa ni Coronel nga walay nakit-ang foul play sa kamatayon sa lolo nga si Leopoldo.
