Malampuson nga gisugdan sa Colombia ang ilang kampanya sa FIFA World Cup 2026 pinaagi sa usa ka kadaugan human nila gidominar ang bag-ong grupo nga Uzbekistan, sa iskor nga 3-1, sa usa ka duwa nga gipahigayon sa Mexico City Stadium.
Diin nakontrolar sa Los Cafeteros ang duwa nga gipangulohan sa ilang star player nga si Luis Díaz.
Sa ika-40 minuto sa unang bahin, ang Colombian player nga si Daniel Muñoz nakapuntos og goal human niya masalo ang maayong pasa gikan kang Díaz.
Ingon man nga nibalos dayon ang Uzbekistan.
Sa ika-60 minuto, si Abbosbek Fayzullaev mihimo og kasaysayan sa dihang iyang napuntos ang unang goal sa Uzbekistan sa kasaysayan sa World Cup, nga misangpot sa 1-1 nga tabla.
Wala tugoti sa Colombia nga magdugay ang selebrasyon sa kontra nga team ug lima ka minuto ang milabay, si Díaz mismo ang nakapuntos aron mabawi ang bentaha.
Sa katapusan, giselyohan sa Colombia ang kadaugan pinaagi sa header sa substitute nga si Jaminton Campaz sa ika-siyam ug siyam nga minuto (90+9′) sa stoppage time.
Uban niining kadaugan, ang Colombia nag-inusarang nanguna sa Group K nga adunay tulo ka puntos, samtang ang group stage nagpadayon sa pagsugod sa 2026 FIFA World Cup.
