CEBU CITY-Angayang lauman ang maayong tempo sa panahon sugod karung adlawa ug ingon man sa mga nahabiling adlaw sa tuig 2023.
Mao kini ang gipahibalo ni Alfredo Quiblat Jr., ang pangu sa Visayas Pagasa Weather Services.
Matod sa opisyal nga wala nay muabot nga bagyo sa Philippine Area of Responsibility sa nasud ning tuig 2023, basi sa pag-monitor sa weather bureau.
Sa pikas bahin, na-monitor usab sa weather bureau ang hinay-hinay nga paggawas sa Bagyong Kabayan sa Philippine Area of Responsibility.
Hinungdan nga moderate nalang unya ang rainfall occurences sa pipila ka bahin sa nasud, lakip na niini ang Central Visayas.
Apan sa kasamtangan, gipaubos sa gihapon sa Gale warning ang Eastern Visayas ug ingon man ang mga isla sa Leyte ug Samar.
Gumikan niini, pabiling gipahimangno ni Quiblat nga dili sa gihapon luwas alang sa mga gagmayng sakyanang pandagat ang paglawig sa kadagatan sa maong mga lugar.
